Vraja bihar Kavya

Vraja bihar kavya by sridhar swami

গায়ন্তীনাং গোপসীমন্তিনীনাং
স্ফীতাকাঙ্খামক্ষিরীলম্ব মালাম্।
নিশ্চাঞ্চল্যামাত্মবক্ত্রারবিন্দে
কুর্বন্নব্যাদ্দেবকীনন্দনো বঃ।। ১

সুপর্ণখর্ণাদ্রৌ রচিতমণিশৃঙ্গী জলাধিজা
মুখাম্ভোজে ভৃঙ্গী নিগমক্লিসৎপঞ্জরশুকঃ।
ত্রিলোকীকস্তুরীতিলককমনীয়ো ব্রজবধূ
বিহারী শ্রীকৃষ্ণো দিশতু ভবতাং শর্ম সততম্।। ২

কস্ত্বং বাল? বলানুজস্তমিহ কিং? মন্মন্দিরাশঙ্কয়া
বু# তৎ নবনীতকুম্ভবিবরে হস্তং কথং ন্যস্যসি?
কর্তু তত্র পিপীলিকাপনয়নং সুপ্তাঃ কিমুদ্বোধিতাঃ?
বালা বৎসগতিং বিবেক্তুমিতি সংজল্পন হরিঃ পাতু বঃ ।। ৩

জীর্ণা তরিঃ সরিদতীবগভীরনীরা
বালা বয়ং সকলমিত্থমনর্থহেতুঃ।
নিস্তারবীজমিদমেব কৃশোদরীণাং
যন্মাধবস্ত্বমসি সম্প্রতি কর্ণধারঃ।। ৪

শ্রী শ্রী কৃষ্ণো জয়তি জগত্তাং জন্মদাতা চ পাতা।
হর্ত্তা চান্তে হরতি ভজতাং যশ্চ সংসারভীতিম্।
রাধানাথঃ সজলজলদশ্যামলঃ পীতবাসা
বৃন্দারণ্যে বিহরতি সদা সচ্চিদানন্দরূপঃ।। ৫

জ্যোতিরূপং পরমপুরুষং নির্গুণং নিত্যমেকং
নিত্যানন্দং নিখিলজগতামোশ্বরং বিশ্ববীজম্।
গোলোকেশং দ্বিভূজমুরলীধারিণং রাধিকেশং
বন্দে বৃন্দারকহরিহর ব্রহ্মবন্দ্যাংঘ্রিপদ্মম্।। ৬

যেষাং শ্রীমদযশোদাসুতপদকমলে নাস্তি ভক্তির্নরানাং
যেষাম্ আভীরকন্যা প্রিয়গুণ কথনে নানুরক্তা রসজ্ঞা
যেষাং শ্রীকৃষ্ণলীলাললিত গুণকথা সাদরৌ নৈব কর্ণৌ
ধিক্ তান্ ধিক্ তান্ ধিগেতান্ কথয়তি নিতরাং কীর্তনস্থো মৃদঙ্গঃ।। ৭

কেচিদ্ বদন্তি ধনহীনজনো‌ জঘন্য
কেচিদ বদন্তি গৃহহীনজনো জঘন্য
ব্যাসো বদত্য অখিলবেদবিশেষবিজ্ঞো
নারায়ণ স্মরণহীন জনো জঘন্যঃ।। ৮


জীবানন্দ বিদ্যাসাগর কর্তৃক সংগৃহীত পুঁথি থেকে সংগৃহিত।