শ্রীপ্রবােধানন্দ সরস্বতী বিরচিত
।। গৌরসুধাকরচিত্রাষ্টক ।।
শ্লোক ১
অন্তর্ঘোরঘনং তমোঽপি নিচয়ং সম্যক্স্বদূরং গতং
পাষণ্ডো ভগবৎপরো ভবতি চ ত্যক্ত্বা স্বকীয়ং চরম্।
সন্তৃপ্তো ভুবনত্রয়ে জনমহাস্নিগ্ধোঽপি প্রেমামৃতৈর্
গৌড়ে গৌরসুধাকরে সমুদিতে কিং কিং বিচিত্রং ন হি ॥১ ॥
শ্লোক ২
পঙ্গুর্লঙ্ঘয়তে মহাগিরিবরং বীজং বিনা চাঙ্কুরং
জন্মান্ধোঽপি চ দিব্যদৃষ্টিভবিতো মূকো বদান্যো ভবেৎ।
অক্লেশং খলু নির্ভরেণ সহসা হর্ষোঽপি ধত্তে স্থিরো
গৌড়ে গৌরসুধাকরে সমুদিতে কিং কিং বিচিত্রং ন হি ॥ ২ ॥
শ্লোক ৩
কাচঃ কাঞ্চনতাং গতোঽপি নিখিলং স্বর্ণস্তু চিন্তামণিং
বৈদূর্যোঽতুলরত্নসাদৃশভবঃ কাকাঃ খগেন্দ্রা ইব।
শাখোটস্তরুরেব চন্দনধরো রণ্ডশ্চ কল্পদ্রুমো
গৌড়ে গৌরসুধাকরে সমুদিতে কিং কিং বিচিত্রং ন হি ॥৩ ॥
শ্লোক ৪
ব্রহ্মাদ্যৈরপি বাঞ্ছিতং মুনিবরৈর্ভাব্যঞ্চ লক্ষ্ম্যাদিকৈ
-রেবং প্রেম সুদুর্লভং নবসুধা সম্পূর্ণমভূৎ কলৌ।
চাণ্ডালাবধি পাপপামর জনাঃ প্রেমােজ্জ্বলং লেভিরে,
গৌড়ে গৌরসুধাকরে সমুদয়ে কিং কিং বিচিত্রং ন হি।।
শ্লোক ৫
বৃন্দারণ্যরহস্যকেলিসদনে লুপ্তাতিকালক্রমে
খ্যাতা চৈবমভূৎসমস্তসুখদা লীলাকথামাধুরী ।
গোবিন্দেতি ব্রজেন্দ্রমিত্রতনয়া সাক্ষাদ্রভূ রাজতে
গৌড়ে গৌরসুধাকরে সমুদিতে কিং কি বিচিত্রং ন হি ॥৫ ॥
শ্লোক ৬
রাধাকৃষ্ণপদারবিন্দভজনানন্দোত্সবাহর্নিশং
কৃষ্ণারাধনকৃষ্ণকীর্তনমুদাপ্রেমামৃতাস্বাদনম্ ।
সর্বে বিশ্বচরাচরপ্রভৃতয়ঃ প্রেমাম্বুধৌ মগ্নবদ্
গৌড়ে গৌরসুধাকরে সমুদিতে কি কি বিচিত্রং ন হি ॥ ৬ ॥
শ্লোক ৭
হা রাধে জয় রাধিকে সুমধুরে হা প্রাণনাথপ্রিয়ে
হা বংশীধরমোহিনী শশিমুখী প্রাণেশ্বরী হা কুতঃ ।
হা বৃন্দাবনসুন্দরী রসময়ীতিত্থং মুহুর্জল্পয়দ্ ,
গৌড়ে গৌরসুধাকরে সমুদিতে কিং কি বিচিত্রং ন হি ॥ ৭
শ্লোক ৮
হে রাধাপ্রিয় রাধিকাদয়িত হে গোবিন্দ গোপীপতে
হে বৃন্দাবনসুন্দরো রমণ হে হা প্রাণনাথঃ কুতঃ ।
ইত্থং প্রেমসুধারসং সুমধুরং পিত্বা প্রমত্তং জগদ্
গৌড়ে গৌরসুধাকরে সমুদিতে কিং কিং বিচিত্রং ন হি ॥৮ ॥
শ্লোক ৯
যৈরেতৎপঠিতং সুনির্মলধিয়া চৈতন্যচিত্রাষ্টকং
শ্রুত্বা বা মনসা গৃণন্তি বিবশা গাযন্তি যেঽহর্নিশম্ ।
সর্বে পাপসুদুষ্কৃতিং চ বিনশন্মজ্জন্তি প্রেমাম্বুধা
বন্তে তস্য পদারবিন্দযুগলে তিষ্ঠন্তি মা সংশয়ঃ॥৯॥
(পাটবাড়ী পুঁথি স্ত ৭৩)
গৌরসুধাকরচিত্রাষ্টক এটি শ্রীল প্রবোধানন্দসরস্বতী রচিত একটি চিত্রকাব্য। এতকাল পর্যন্ত এটি অপ্রকাশিত ছিল। পাটবাড়ী গৌরাঙ্গ গ্রন্থ মন্দির থেকে একটি মাত্র পুঁথি পেয়েছি। তার পাঠ এ অনেক ব্যাকরণগত ত্রুটি আছে। যতদূর সম্ভব পাঠ সংশোধন এর চেষ্টা করা হয়েছে।